Tawngtai dan tha tak pakhat?

Harsatna ka hmachhawn hian Lalpa hnenah ka tawngtai ve thin a. Hrehawm ka tihnate a hnenah ka thlen thin a ni. A tanpuina ka dil ve thin bawk a ni. Ka duh dan angin "Lalpa chuti zawk chuan ni se, chuti zawng zawk chuan thil thlen tir la," ti tein a tanpuina ka dil ve thin a ni. Mahse, kha ka thil dil dan kha a dik ber a ngem aw ka ti deuh a ni.

Lalpa hnenah finna te, huaisenna te, chakna te ka dil thin a ni. Heng ka dil chhanna atan hian Lalpa hian ka nunah ka beisei loh thil min paltlang tir thei ve tlat a ni. Harsatnaa ka ruatte hi ka tawngtai chhanna tura Lalpa hnathawh pawh a lo ni thei ve tlat a ni.

Instagrama video pakhat ka enah chuan Chelsea player Christian Pulisic a thusawi hi tha ka ti khawp mai. Heti deuh hian a sawi a, "Lalpa hnena ka tawngtai hian ka buainate ching fel turin ka dil lo va, a thlirna tlang atanga thlir thiam turin ka dil zawk thin," tiin a sawi a ni.

Heti zawnga rilru pu chunga tawngtai hi ching thar ila ka hlawkpui ka ring.

Tichuan, a khaikhawmnaah chuan ka harsatna tawh thinte hi chinfel tir nghal dil mai lovin, Lalpa thlirna tlang atanga thlir thiam theihna dil zawk thin ila. A chhan chu Lalpa hian min hmangaih avangte leh ka thinlung duh zawng tih puitlin nana ka tawngtaina a chhannate a ni thei ve tlat a ni.