BEI LA BEI NAWN RAWH

 He video ka en hian ka rilru a khawih hle a. He video a kan hmuh hi skateboard? Accident avangin a hnungah hliam na tak a tuar a ni. A video tawp lam a, hrehawm leh zam hmel taka a awm lai leh awrawl chhuah a a tah lai tak hian Isua Krista a ko a, Isu min tanpui rawh tiin, a ko tawp mai a nia. A rilru no lai leh sensitive lai em em a, Isua Krista tanpuina a han dil hian Lalpa tan chuan chet lak loh hi a har dawn hian ka hria a ni. Hepa hi ka ngaisang hle a ni. Lalpa a rinchhan a ni tih a hmuh theih a ni. Ka zirlai thar chu kan chak loh lai bera Lalpa ngenngawl taka kan han koh mai hian Lalpa lairil hi a fan ngawt hian ka ring a ni.

1. Engkima engkimah Isua Krista hi ka ring tur a ni. A lal ber fai vek tur a ni. Ka rinhlelh lai te, ka inrinhelh lai, hrehawm ka tih lai te, hriatthiam loh ka neih lai te, engkimah a nimai. Amah hmangaih hmasain, ka hmangaih lo nia ka inhriat lai pawhin Amah hmangaih thlang tlatin a dawrah thil ka tiin thil ka sawiin, ka nungin ka che tur a ni.  2. A thupekte ka zawm ang. Eng nge A thupekte chu? - Ka hmangaih ber ang, ka zawng zawngin ka hmangaih ang. A dawttu chu mahni inhmangaih angin vengte hmangaih tur a ni. ‭‭MARKA‬ ‭12:30‭-‬31‬ ‭[30] Lalpa i Pathian chu i thinlung zawng zawngin, i nunna zawng zawngin, i rilru zawng zawngin, i chakna zawng zawngin i hmangaih tûr a ni,’ tih hi a pawimawh ber a, [31] a dawttu chu, ‘Nangmah i inhmangaih angin i vêngte pawh hmangaih ve rawh,’ tih hi a ni. Hêng aia thupêk pawimawh zâwk rêng hi a awm lo,” a ti a. Engtin nge ka hmangaih ang? - Titura A sawite ka zawm ang, chung zingah chuan 10 commandments pawh hi a telin ka hria, Sabbath serh pawh...

Nautein a nu leh pa kiangah ngaih ngam takin a awm thin a, amahin thil han tih tum te leh a nu leh pa lawm zawng tih tum hranpa vel lovin, a nu leh pa bulah a innghat fai vek tawp a ni.  Ni e, amaha thil han ti thei kha a ni lo, naute mai a ni. Ven ngai, awmpui ngai a ni si a. Keini mihringte pawh hi Isua tel lo chuan engtihna mah kan ni lo a, rah pawh kan chhuah thei hek lo. Isua hi kan mamawh a ni. Kei grêp hrui chu ka ni, nangni a pêngte chu in ni; tu pawh keimaha awm renga, kei pawh amaha ka awm rengna chu, chu mi chu tam takin a rah ṭhîn; keimah lovin eng mah in ti thei si lo. ‭JOHANA‬ ‭15:5‬ Mahse vawi tam tak Isua thuawih tum hian, thil tha tih tum hian tan hi ka lo la ve fova, ka thil tih that chu ngaih tih that nan hman ka tum fo va, mahse a nihna takah chuan he ka thil tih that ve te hi chu tha a ni phak lovang. Fel thei reng reng tawh lo ka ni a, ka thatna leh ka felna kawng awm chhun chu Isua Krista chauh hi a ni. Chuvangin ka thil tha tih tum dan, ka rilru put hmang hi...

He thil hi Lammuala Ninevi challenge an neihnaah Mizoram sual thupha chawina hun kan nei a ni. Hetah hian ka kal ve a. Tichuan, karlakah mi hrang hrangin thu an sawi a ni. Heng zingah hian ka rilru luah deuhtu pakhat chu Frederick-a thusawi pakhat kha a ni a. He ti deuh hian a sawi a ni: Kan tan kan tih hi chuan Lalpa hian min support a ba lem lo, min support kher lovang, mahse Lalpa tana kan tih chuan Lalpa hian a chakzia tihlana, mal min sawmsak a chak ngawt ang. He thil hi a dik hlein ka hria a ni. Entirnan: Kan school naupang pakhat veng dang daih a mi chu tlaiah a thiante nenah mualah an inkhel a, an inkhlehnaah a inhliam palh hlauh mai a, damdawiinah hruai chhoh a ngai dawn a ni. He thil hi hre ta ila, ka awmna veng atanga an inkhelhna hmun veng dang daih a va kala va buaipui kha ka tih a rinawm loh a ni. A chhan chu inhnam hnawihna ka nei lo a, amah buaipui tur chuan a thiante a inkhelhpui te leh a chhungte kha an awm a ni. Nimahsela, chu naupang chu an inkhelh hma niin tlaiah i...

Thlemna hi a awm reng dawn a ni, Isua Krista lo kal leh hma hi chuan. Ka tan chuan thlemna nia ka hriat ka tawrh leh hmachhawn thinte chu rinhlelhna te, hriatthiam lohnate leh overthinking te hi niin ka hria. Mahse youtube-a Pu Sangtea Ronald video pakhat a title chu 'Thlemna hi a awm reng ang' tiha a sawi hi ka mamawh tak zetin ka hria a. Hetiang thlemna ka tawh chhung hi chuan emaw englai pawhin he thil hi hre reng tawh ila chak thar nan hmang tawh ila ka duh khawp mai. He ti hian a sawi a ni: "Kan tluk lohna tura min veng thei kan Lalpa Krista Isua-ah hian rinna nghatin i awm reng ang u. Tlu thei kan ni, mahse hemi avanga tlu tura lo inngaih ngawt chi erawh a ni miah si lo. Tlu kher tur anga lo inngaite pawh kan awm ang; Pathian Thlarau keimahnia awm zarah nghet takin kan ding thei a ni. Rin lohna emaw rinhlelhna lo awm thin avang hian tlukna chu a lo awm leh mai zawk thin, a tawp thlengin chhel takin i lo awm ang u." tiin a sawi a ni. Jacob 1:12 "Thlemna tu...

Sawma pakhat pek tihah hian rilruah chuan pawisa leh kan thil neih pek hi a lang ber thin a ni. Mahse kan sum leh pai mai bakah hian chung zawng zawng aia hlu zawk chu kan hun hi a ni. Nikhatah dar 24 kan nei a, kan nitin nunah hian Isua Krista tan sawma pakhat kan hun kan pek chuan rah a chhuah nasa ngawt ngei ang. Lalpa hi a thilphal em em a. Mal min sawm te hi a duh thin ngawtin ka ring. Lalpa tana ka hun atangin sawma pakhat ka pek hian Lalpa chu ka ring a ni tih a takin ka lantirna pakhat a ni ngeiin ka hria. A chhan chu he khawvelah hian thil hrang hrang kan ngaihtuah a. Nih tum leh tih tum te kan nei a ni. Chung thil kan duhte chu nei turin kan hun kan hmanga kan tha leh zung kan seng thin a ni. Hetiang kara Lalpa tana kan hun te kan pek ngamna tak hi Lalpa kan rinna lan chhuah tirna chikhat a ni. A chhan chu Lalpa tan ka hun hi ka pe anga, hemi avanga ka duh ang ka lo neih loh phah emaw ka duh ang tipuitling tura ka hun duh lai chu Lalpa tana ka pek avang hian tisa taka ngaihtu...

1. Examine your heart, your intention. Is your heart fresh/pure? Is it fresh enough before the Lord. During the time of Jesus Christ on Earth, there were people who pointed out the speck in others’ eyes while they themselves had a big log in their own eyes. Although they might have seemed genuine or pure in their desire to help the other person, the truth was otherwise. Their true motive was likely to condemn the person in front of others. “Why do you look at the speck of sawdust in your brother’s eye and pay no attention to the plank in your own eye?” (Matthew 7:3, NIV). 2.   Even if my motive is acceptable and pure, my words should be wise and seasoned with salt before the Lord. Colossians 4:6 "Let your speech always be gracious, seasoned with salt, so that you may know how you ought to answer each person." 3. During the very moment I am uttering my words, I must look at Jesus Christ, I must hold on to Jesus Christ because I could be vulnerable and overtaken by evil. ...

I am not alone.  He khawvelah hian ka mal tawh lo, englai pawhin Isua nen ka hringnun hi ka hmang tawh a ni. Isua nen englai pawhin ka awm, tih hi hre reng ila ka va duh em! Thli thaw vuk vuk, ruah sur buan buan, khawpui ri leh kawl phe zuai zuai kara thlamuang taka ka mut thin lai kha chu ka naupan zual lai tak tak kha a ni. Ka hlau ngai lo, ka mut a tui zawk thin. Ka Nu leh ka Pa te kha ka ringin ka thlamuanpui em a ni. Ruah surin kan inchung rangva a rawn nan ri buan buan te, thli thaw vuk vukte khan ka Pa kha a mut hle hle tir loh chang a awm thin ngeiin ka hria a ni. Varandaah te kalin a chhuak sek thin a, a phe ve vat vat thin, a chhungkaw him tlannan a ni ngei ang chu. Mahse kei chuan nuam ka ti zawk tlat thin a ni. Ka thla kha a muang em a ni. Mahse, tunah chuan hun a lo kal zel a, ka lo puitling ve thawkhat ta viau mai. Ruahsur a nasat deuh te, thli a thawk vuk vuk te leh khawpui ri dur dur leh kawl phe zuai zuai hmuh tawh hi chuan thla hi a muang mawh khawp mai, Hlauhna c...

Tunlai chu a hma ai deuh chuan Lalpa hi ka hnaih leh tawhin ka hria. Chhan hrang hrang a awm thei ang a, chung zinga pakhat nia ka hriat chu, tun Wednesday (31.1.24) a school devotion-ah ka hun chan hun kha a ni a, hemi avang hian Lalpa lam ka hawi nasat phah deuh a ni ang chu, sermon tha tak deliver theih ka duh a, chu chuan ka rilru leh ngaihtuahna kawng eng emaw chenah min kaihruai a, hei hian Lalpa hmangaihna leh awmpuina min feel leh zual tir phahin ka hria a ni. Heta tanga ka zir tur chu  - Lalpa hnaih reng tur chuan a khat tawka, Lalpa lam hawi project emaw tih tur tlema lian ve deuh insiam hi a thain ka ring. A chhan chu ka taksa a hrisel nan pawh chawl lovin, nitin hunbi neiin chaw ka ei thin ang hian, ka thlarau nun chawm nan nitin emaw a khat tawka Lalpa lam hawi leh a duh zawng tur lam hawia thil ka tih a ngai ve a ni. Hetiang a weekly project ang type deuha tih ka neih thin chuan Lalpa hi ka hlat mai mai tawh loh ka beisei tlat a ni.

Tunah te hian Isua hnaih ka chaka, a mood a chen veng veng changte pawh ka nei a, nuam ka ti hle. Mahse hun a kal anga, ro rilrukna, Isua hlat leh tan taa ka inhriat hunah chiah hian khang rinhlelhna kha en tawh lovin Isua kha huaisen takin ka en anga, ka chelh tlat ang. Tin hetiang ang min ngaihtuah tir theitu thil hi a lo pian ek ek chiah hian ngaihtuah zui lovin rang takin Lalpa chakna rinchhan chungin paih chhuah nghal / ngaihtuah loh nghal ka tum tur a ni. Ka ngaihtuah chhunzawm chuan ka hun paihtu, rinhlelhna ruama min hnuk luttu leh overthinking-na ruama min hruai luttuah an chang thei a ni. Mahse Isua ka en tlat ang. Tichuan chung rinhlelhna te chu Lalpa'n min tih bo sak anga, min theihnghilh tir ngei ang.

  - Don't dwell too much on the thoughts that make me feel this way. - Lalpa lam hawi nghal la, ngaihdam dil la, huaisen takin vuan tlat rawh. - Hun thawl i neih hunah ziakin i diary ah self reflection i nei ang.  - He thil atang hian zir lai thar zir chhuah i tum ang. - I hriatchhuah chuan a ni la la emaw a tuk la la a apply dan tur step I plan thin ang. (Picture: I hrehawmna, pawi I tihna I en reng chuan, i na reng mai ang, than zei I rel lo palh mai ang, mahse a bad side ngaihtuah ban zai rel a, kha ta tanga zirlai thar zir chhuah tuma i beih chuan hma i sawn anga, i hlim zawk ngei ang. Huaisen takin Isua en chungin I tihsualna ata chu chhuak la, I zirlai thar chu nunpui tumin hma lam panin kal zawk ang che.) Inspiration: Funeral.

Thil ngaihtuah vak vak tawh chinah chuan duh emaw duh lo emaw ka ngaihtuah zawm zel chu a nih ni. Mahse, he mi stage hi thleng lo tur chuan hei hi ka apply nghal vat tawh tur a ni: Thil pakhat ngaihtuah vak vakna thlen theitu a lo thlen chiah hian hei hi ka ngaihtuah chhun zawm chuan nakinah ka hun paihtu leh overthinking-na ruama min hnuk luttu a ni thei tiin chumi lai lala chuan ka ngaihtuahna atanga paih bo tumin thil dang ka ngaihtuah nghal daih thin tur a ni. Entirnan, Pathian hian eng vangin nge min tlan chhuah leh hlawm le. Mihringte hi min hmangaih vang a ni tih chu kan hria a, mahse hemi phenah hian Setana laka a thil chan kha lak let leh a duhna hrim hrim vang a ni thei mai a ngem. Chuti lo ni ta se, min hmangaih vang ai mah chuan a thil neihte chan a duh loh vang a ni zawk a ngem? titein zawhna ka lo nei ta a ni. Mahse, he zawhna hi ka tan a tha lo thei a ka hriat avang leh rinhlelhna leh overthinking-na ruamah min hruai thleng theia ka rin avangin thil dang ka ngaihtuah dai...

Huamhap suh, i thil tih te, I tawngka chhuakte hian sawhkhawk a nei zel. I huamhap chuan i duh ang takin thil a lo kal a nih pawhin, i selfish ambition khan sawhkhawk a nei thei tih hria ang che. Huamhapna lak atanga fihlim dan: 1. Muang changin thil ti rawh. Muang changin thil sawi rawh. 2. I chet lak hmain Lalpa hnenah intulut rawh. 3. Lalpa lam en tlat rawh. 4. I zawng zawng kha Lalpa Thlarau Thianghlimin tuam mawlh rawh se. Heti tala mahni inenlet lo leh mahnia sual awmte ka beih let vat loh a, ka enliam reng chuan "Sualna hi ngaihthah a nih a, Isua lam hawia, A chakna hmanga hneh tuma beih vat loh chuan a chak telh telh a, a thuk telh telh a, mahni sualna hmuh a hara, mi tlin lohna leh that lohna kan lo hre leh zung zung mai thin." Inspiration: Funeral 

Lalpa a tha Lalpa hian ka mamawh tawk ang zelin min pui ni hian ka hria. Ka phak ang tawk zelin zirtur min pek pawh ka ring bawk a ni. Tunhnai maiah khan Ocean (Spirit, lead me) tih hla kha ka chaw eikhamah ka ngaithlaa, a hlathu kha nidangah pawh feel takin ka ngaithla thin tho a, mahse tun tum chu ka ngaihthlak dan tlemin a dang deuh a.  Ka ngaihthlak dan chu, a hlathu kha keima nunah ka hmehbel nghal a ni. Ka hmehbel nghal ngawt a ni lo, tuna ka struggle lai emaw tun hnaia ka nuna thil thlengah ka hmeh bel nghala, chu chuan he hla thu hi practical takin ka ngaihthlak theih phah ta a ni. Ka feel phah hle bawk a ni, Thlarau Thianghlim tanpuina a nih ka beisei tlat a ni. "I will call upon your name, keep my eyes above the waves. My soul will rest in your embrace, I am yours, and You are mine." Tih lai ka ngaihthlak hian heta "waves" aiah hian tunhnaia thil ka ngaihtuah vak vak thinna, hote te ngaihtuah renga thil dang min tih tir thei lo tu, ngaihtuah fel phawt loh ...

Do not rely on external things, as they are fleeting. Do not let your mood, especially your peace of mind, be swayed by others. Rely only on the permanent and eternal, which is our Lord.

Harsatna ka hmachhawn hian Lalpa hnenah ka tawngtai ve thin a. Hrehawm ka tihnate a hnenah ka thlen thin a ni. A tanpuina ka dil ve thin bawk a ni. Ka duh dan angin "Lalpa chuti zawk chuan ni se, chuti zawng zawk chuan thil thlen tir la," ti tein a tanpuina ka dil ve thin a ni. Mahse, kha ka thil dil dan kha a dik ber a ngem aw ka ti deuh a ni. Lalpa hnenah finna te, huaisenna te, chakna te ka dil thin a ni. Heng ka dil chhanna atan hian Lalpa hian ka nunah ka beisei loh thil min paltlang tir thei ve tlat a ni. Harsatnaa ka ruatte hi ka tawngtai chhanna tura Lalpa hnathawh pawh a lo ni thei ve tlat a ni. Instagrama video pakhat ka enah chuan Chelsea player Christian Pulisic a thusawi hi tha ka ti khawp mai. Heti deuh hian a sawi a, "Lalpa hnena ka tawngtai hian ka buainate ching fel turin ka dil lo va, a thlirna tlang atanga thlir thiam turin ka dil zawk thin," tiin a sawi a ni. Heti zawnga rilru pu chunga tawngtai hi ching thar ila ka hlawkpui ka ring. Tichuan, a k...

He Bible chang hi lo en ila,  JOHANA 14:6 Isuan a chhâng a, “Keimah hi kawng leh thutak leh nunna chu ka ni; keimaha kal lo chu tu mah Pa hnên an thleng ngai lo. Isua chauh hi Pa hnen thlenna kawng awm chhun a ni a. Eng tiangin nge Isua-ah chuan kan awm ang, eng tiangin nge Isua-ah chuan kan kal tak ang? A hranpain Isua-ah han kal chu a mak kan ti mai thei a, han awm a, han kal vak dan tur kha mihring taka ngaihtuah chuan hriatthiam a harsa ve thei a ni. Mihringte hi sual avangin kan thinlung hi a corrupt tlat tawh a, kan ngaihtuahnate reng reng hi sual lam hlir a ni tlat a. Mahnia kan kal a, eng Anga thil tha tih tum pawh ni ila, keimahnia kan kal chhung chuan kan tha thei dawn lo. Kan zia kan thlak thei ngawt lo. Serthlum kung pawh hi eng anga nasa pawhin theihai rah chuah tum mahse, a thei ngai dawn lo, a nihna a nih miau loh avangin. Hetiang deuh tho hian mihringte hian that chhuah han tum viau mah ila, Isua pawm tlak khawp rah kan chhuah dawn chuang lo. Chuvangin that te, fel ...