Overthinking-na laka him dan pakhat

Thil ngaihtuah vak vak tawh chinah chuan duh emaw duh lo emaw ka ngaihtuah zawm zel chu a nih ni.

Mahse, he mi stage hi thleng lo tur chuan hei hi ka apply nghal vat tawh tur a ni:

Thil pakhat ngaihtuah vak vakna thlen theitu a lo thlen chiah hian hei hi ka ngaihtuah chhun zawm chuan nakinah ka hun paihtu leh overthinking-na ruama min hnuk luttu a ni thei tiin chumi lai lala chuan ka ngaihtuahna atanga paih bo tumin thil dang ka ngaihtuah nghal daih thin tur a ni.

Entirnan, Pathian hian eng vangin nge min tlan chhuah leh hlawm le. Mihringte hi min hmangaih vang a ni tih chu kan hria a, mahse hemi phenah hian Setana laka a thil chan kha lak let leh a duhna hrim hrim vang a ni thei mai a ngem. Chuti lo ni ta se, min hmangaih vang ai mah chuan a thil neihte chan a duh loh vang a ni zawk a ngem? titein zawhna ka lo nei ta a ni. Mahse, he zawhna hi ka tan a tha lo thei a ka hriat avang leh rinhlelhna leh overthinking-na ruamah min hruai thleng theia ka rin avangin thil dang ka ngaihtuah daih tur a ni.

A reng reng thuah he ka ngaihtuahna, ka rilrua zawhna lo piang hi ngaihtuahna random tam tak zinga pakhat a ni ve maia, Bible bu a Lalpa hmangaihna inziak te leh mite'na an experience atanga an sawite rinhlelh tirtua han hman chu a logical lo ka ti deuh bawk a ni.