Ka rinna/Ka principles

1. Engkima engkimah Isua Krista hi ka ring tur a ni. A lal ber fai vek tur a ni. Ka rinhlelh lai te, ka inrinhelh lai, hrehawm ka tih lai te, hriatthiam loh ka neih lai te, engkimah a nimai. Amah hmangaih hmasain, ka hmangaih lo nia ka inhriat lai pawhin Amah hmangaih thlang tlatin a dawrah thil ka tiin thil ka sawiin, ka nungin ka che tur a ni. 

2. A thupekte ka zawm ang.

Eng nge A thupekte chu?

- Ka hmangaih ber ang, ka zawng zawngin ka hmangaih ang. A dawttu chu mahni inhmangaih angin vengte hmangaih tur a ni.

‭‭MARKA‬ ‭12:30‭-‬31‬ ‭[30] Lalpa i Pathian chu i thinlung zawng zawngin, i nunna zawng zawngin, i rilru zawng zawngin, i chakna zawng zawngin i hmangaih tûr a ni,’ tih hi a pawimawh ber a, [31] a dawttu chu, ‘Nangmah i inhmangaih angin i vêngte pawh hmangaih ve rawh,’ tih hi a ni. Hêng aia thupêk pawimawh zâwk rêng hi a awm lo,” a ti a.

Engtin nge ka hmangaih ang?

- Titura A sawite ka zawm ang, chung zingah chuan 10 commandments pawh hi a telin ka hria, Sabbath serh pawh hi a telin ka hria. A chhan chu he ti hian A sawi a ni:

‭‭MATHAIA‬ ‭5:19 ‬[19] Chutichuan, hêng thupêk zînga pawimawh lo ber pakhat pawh hi ngainêpa, chutianga ti ve tûra mite zirtîr apiang chu vânramah chuan mi tê ber an ti ang; amaherawhchu, tu pawh zâwma, zirtîr ve chu vânramah chuan mi lian an ti ang.

Vanram kaina tura ka tih ni lovin Isua Krista ka hmangaihna avangin ka hmangaih theih dan chu A thu ka awihna hi a ni. Mitam tak chuan A thupek awih tum ringawt emaw thil tih hmanga Pa hnen thlen tum a awm theih viau a nih hmel, mahse heng ho hian a hmasa tur zawk an neih loh chuan chu chu Isua Krista hmangaih phawt kha a ni. Chuvangin a tha ve ve,mahse Isua Krista hmangaihna vang a nih loh chuan a pawi ka ring khawp mai heti hian Isua'n a sawi a ni: 

THUPUAN‬ ‭2:2‭-‬5‬ [2] I thiltihte ka hria, i thawhrimzia te, i chhelzia te, mi sual i ngaihtheih lohzia te, tirhkoh ni si lo tirhkoh invuahte chu i fiah a, a der an nih i hriat tâk thu te ka hria. [3] I chhel êm êm a, ka hming avângin i tuar a, i beidawng lo va. [4] Nimahsela, demna che ka nei: a tîra mi hmangaih ang khân mi hmangaih ta lo. [5] I tlûksan tâk kha ngaihtuah teh; sim la, a tîra i tih ang kha ti leh rawh. Chutilo zawng, i hnênah ka lo kal ang a, i sim loh chuan a awmna ata i khâwnvâr chu ka sawn daih ang.

Isua hmangaihna tel si lo khan, Isua duh zawng ringawt hi tih kan lo tum ang tih a hlauhawm ka ti khawp mai, hetianga kan lo tiha Isua Krista hmangaihna emaw hmangaih tumna tak tak kan neih si loh chuan khawnvar dahna min sawn sak mai ang tih a hlauhawm emai.

Heti hian Isua khan pharisai te hnenah a lo sawi bawk a ni: 

‭‭MATHAIA‬ ‭12:7‬ [7] ‘Inthawina aiin khawngaihna ka duh e,’ tih hi engtihna nge lo hre tawh ula chuan, mi pawisawi lote chu thiam loh in chantîr lo tûr,

Chuvangin Isua'n titura min tih te hi tih a tha, kan hmangaih a ni tih kan lantirna a ni. Mahse, Amah hmangaih vang ni loin hamthatna te, Vanram kai tum vanga kan tih chuan a hmasa tur zawk kan ti hmasa lova a pawi thei tlat a nih hmel a ni. Pharisai te khan dan chu an zawm tha khawp mai, mahse Isua chuan mi vervekteu a ti tlat si a ni. A chhan nia ka rin chu an thinlung kha a bawlhlawh a ni ngei ang. 

Chuvangin Isua'n khawnvar dahna min sawn sak hma hian Amah kan hmangaihnaah kan let leh ngei tur a ni. Hmangaihna hi a ni Isua Krista'n nei tura min duh em em chu. 

Ka lawmna leh deuh pakhat chu hmanah ka tawngtai laiin Isua Krista thu ka rilruah a lo thleng a, hei hi Lalpa min biakna a ni chiang bal e chu ka ti lo, mahse a nih ngei ka ring thung, eng pawh ni se chu thu ka rilrua lo lut chu hei hi a ni: 

‭‭JOHANA‬ ‭14:6‬ [6] Isuan a chhâng a, “Keimah hi kawng leh thutak leh nunna chu ka ni; keimaha kal lo chu tu mah Pa hnên an thleng ngai lo.

Chuvangin Isua hi Pa hnena ka thlenna kawng awmchhun a ni.

Heti hian A sawi a ni:

JOHANA‬ ‭14:15‬ [15] “Nangnin mi hmangaih chuan, ka thupêkte in zâwm ang.

Chuvangin Isua ka hmangaihna avang zawkin A thupek ka zawm zawk tur a ni.

Hmangaih dan kan thiam loh pawhin hmangaih kan thlang anga hmangaih kan tum ang. Lalpa'n kan rilru a hria a kan chak lohnaah min tanpui ang a, kan duh a, kan dil na na na chuan, a tirah Amah kan hmangaih vang ni lo, hremhmun a kal hlauh vanga hmangaih tuma A thupek kan awih khan, ti zel phawt ang, a tirah hmangaih lo pawh ni ila, hmangaih tum tlat ila, dil tlat ila, hmangaih theihna thinlung min pe ngei ang. Lalpa chu A tha si a.

Chuvangin Isua thupekte kan zawm hian kan chapo tur a ni lo a, Amah kan hmangaih avang zawka ti kan ni zawk a, kan chapo chuan Amah kan hmangaih vanga ti kan ni dawn lo tlat. Chapo thei kan ni mawlh lo. Chapo loin lawm takin A rawng kan bawl zawk tur a ni.

Amah kan hmangaihna hi englai pawhin a hmasa ber reng tur a ni.