Pathian hla ngaihthlak dan tha tak pakhat chu

Lalpa a tha

Lalpa hian ka mamawh tawk ang zelin min pui ni hian ka hria. Ka phak ang tawk zelin zirtur min pek pawh ka ring bawk a ni.

Tunhnai maiah khan Ocean (Spirit, lead me) tih hla kha ka chaw eikhamah ka ngaithlaa, a hlathu kha nidangah pawh feel takin ka ngaithla thin tho a, mahse tun tum chu ka ngaihthlak dan tlemin a dang deuh a. 

Ka ngaihthlak dan chu, a hlathu kha keima nunah ka hmehbel nghal a ni. Ka hmehbel nghal ngawt a ni lo, tuna ka struggle lai emaw tun hnaia ka nuna thil thlengah ka hmeh bel nghala, chu chuan he hla thu hi practical takin ka ngaihthlak theih phah ta a ni. Ka feel phah hle bawk a ni, Thlarau Thianghlim tanpuina a nih ka beisei tlat a ni.

"I will call upon your name, keep my eyes above the waves. My soul will rest in your embrace, I am yours, and You are mine."

Tih lai ka ngaihthlak hian heta "waves" aiah hian tunhnaia thil ka ngaihtuah vak vak thinna, hote te ngaihtuah renga thil dang min tih tir thei lo tu, ngaihtuah fel phawt loh chuan thil dang ti lawk thei lo, thil dang ngaihtuah lawk thei lo(overthinking) a min siam tute leh, zan ka mut hmaa lungngai/huphurh taka ka mut thinna, zanlaiah ka harh leh anga, zan ka mu tlem leh anga, ka thin zawn ka awm zawn a na leh ang tia ka ngaihtuah avanga stress  ka neih te kha ka represent ta a. Tichuan khang "thil" khan min rawn tih thaihin leh min rawn tihbuai tum leh pawh nise khang "waves" te kha ka en tawh dawn lo, Isua ka ko anga, Ama lam ka hawi tawh ang. Tichuan Thlarau Thianghlim chuan a thil tih theihna a lantir anga, ka thlarau chuan chawlhna a hmu ang (My soul will rest in Your embrace). Lalpa ka hausak lai ber, ka chak lai ber, ka retheih lai ber leh ka pachhiat lai ber pawhin i ta ka ni reng ang (I am yours), ka neih chhun I ni (You're are mine).

Tun atang chuan hlawk leh zual zawka hla ka ngaihthlak dan tur chu a chunga ka tih ang khian hla thu a awm te kha keima nuna thil thleng mek te hmangin ka represent/hmehbel tir dawn a ni (Lalpa'n rem a tih chuan). Hlathu a waves kha ka nuna thil thleng stress leh overthinking-tein ka hmehbel/thlak ang. Chu chuan thuk leh zual zawka Thlarau Thianghlim puihna azarah ka hriat thiam a ka fiah leh zual ka beisei a, ka thlarau nun pawh a chawm ka beisei bawk a ni.

Hetianga ngaihtuah chhuah theihna chang hriatna te pawh hi Lalpa'n finna min pek a nih ka ringa ka beisei a ni.