Tuna Tih Tur Nakina Tihah Khek Suh

Kan khuaah school naupang exam chawlh lai a nih avangin ka haw a. Ka nu leh pa te atang hian zirlai pawimawh tak zir thar ka nei leh a. Chu chu - tuna tih theih reng nakina tihah khek loh tur - tih hi a ni.

Ka nu leh pa te hi mi taima tak an ni a. Thatchhe taka thil an tih hi ka pian a hnu lamah ka hmuh awm ka la hre lo. An fate hian kan tluk lo hle a ni.

Thu ho te anga lang ni si pawimawh ka tih thar em em leh a pawimawhna ka hmuh fiah chian tak chu 'tuna tih tur nakina tihah khek suh tih hi a ni'.

Nakinah tia kan khek chhan hi a tam berah chuan kan taihmak loh vangte leh kan inthlahdah vang a ni ber. Hei hian nghawng te zawk a nei leh a, a hrin chhuah chu mi hlawhtling lo leh nun awhawm lo min nih tir ta thin a ni. Tin nun harhvang leh nun zangkhai min neihtir lo tu a ni bawk.

Tuna tih theih reng kan tih zat zat chuan kan nun hi a zangkhai a, a Pathian thu hle pawhin ka hre bawk a ni.

A tawp khar nana ka sawi duh chu, mi tupawh hian mi ropui tak nih kan duh theuhin ka ring. Mahse ropui kan tehna hi a inang lo viau thei. In leh lo tha tak neih te, sulhnu chhinchhiah tlak tak tak neihte hi ropui kan tehna a ni furin ka ring. Mahse heng bakah hian kei chuan mi ropui ka tih chu mi taima te hi an ni. Mi ropui te hian ze pawimawh tak an neih ka ring - chu chu taihmakna hi a ni. Mite ngaihah la ropui lo mah la, i nun hman dan kha a ropui chuan mi ropui i ni tihnaah kei chuan ka ngai a ni.h

Chuvangin taihmakna hi ropuina chi khatah ka ngai a ni.