Coconut Ka Pa Nen Kan Phun
Vawiin hi February 19, 2026 a ni a, ka Pa-in ka hna thar (LDC) lawm nan leh hriat reng nan tiin coconut kan phun dun a ni. He coconut chi hi Lungsen ka hna thawhna hmun tura kan innghahna Pu Dk-a te min pek a ni.
Tuna Tih Tur Nakina Tihah Khek Suh
Kan khuaah school naupang exam chawlh lai a nih avangin ka haw a. Ka nu leh pa te atang hian zirlai pawimawh tak zir thar ka nei leh a. Chu chu - tuna tih theih reng nakina tihah khek loh tur - tih hi a ni. Ka nu leh pa te hi mi taima tak an ni a. Thatchhe taka thil an tih hi ka pian a hnu lamah ka hmuh awm ka la hre lo. An fate hian kan tluk lo hle a ni. Thu ho te anga lang ni si pawimawh ka tih thar em em leh a pawimawhna ka hmuh fiah chian tak chu 'tuna tih tur nakina tihah khek suh tih hi a ni'. Nakinah tia kan khek chhan hi a tam berah chuan kan taihmak loh vangte leh kan inthlahdah vang a ni ber. Hei hian nghawng te zawk a nei leh a, a hrin chhuah chu mi hlawhtling lo leh nun awhawm lo min nih tir ta thin a ni. Tin nun harhvang leh nun zangkhai min neihtir lo tu a ni bawk. Tuna tih theih reng kan tih zat zat chuan kan nun hi a zangkhai a, a Pathian thu hle pawhin ka hre bawk a ni. A tawp khar nana ka sawi duh chu, mi tupawh hian mi ropui tak nih kan duh theuhin ka ring. M...
Comments
Post a Comment