Sawisel suh u, sawisela inawm loh nan (Mathaia 7:1)

Nu pakhat hian a pasal a zah vak loh thu kha ka chhungte hnenah sawi ta ila. A tul ber em, a mize tha lo kha ka chhungte bulah ka sawi chhuaka, Isua'n sawisel suh u, sawisela inawm loh nan a tih kha ka bawhchhia em?

- Ka hre lo le.

Mi hi an chanchin chhe lai, anmahni pawhina midangin hria se an duh loh hi sawichhuah loh tawp tur tihna a ni em?

- Ni chiahin ka ring lo.

Entirnan, unaupa nei ila, nupui neih tum ta se, a nupui tur kha ruk ruk hmang leh dawtsawi hmang tak a ni tih hre ta ila, mahse ka unaupa chuan hre lo ta se, kha thil kha ka unaupa ka hrilh lo tawp dawn tihna nge? A chhan chu a nupui tur a khan hrilh a duh dawn miah lo a ni. Hetah hian a ze tha lo kha ka sawi dawn em? Ka sawi loh chuan thil dik niin ka hre lo, ka unaupa a ni a, ka hmangaih avangin ka hrilh ngei a ngai zawk ang, sawita miah lo i la, thil dik lo ka ti zawk mah a nih ngei ka ring.

Chuvang chuan Bible a kan hmuh sawisel suh u, sawisela inawm loh nan a tih hi hetiang ang thilah hi chuan apply chi niin ka hre lo.

A tir bera ka sawi, nu pakhat ze tha lo sawi chhuah kha a dik em? Sawina tur hmun dik a awm theih ka ring. Sawi a tul loh leh that loh hun pawh a awm thei bawk ang.

Entirnan, kha nu kha ka hmangaihte nena inbia a, inhmu zeuh zeuh tur an nih chuan kha nu laka awmdan tawk an thiam theih nan leh an fimkhur zual theih nan ti rilrua ka hrilh chuan a sual ka ring chiah lo. Nimahsela, inhmu ngai lo tur leh inzawmna awm lem lo an nih chuan hrilh kher kha a tha lem lo mai thei, sawisel ang kha ka nih theihna lai a awm mai thei a ni.

Heta tang hian eng nge ka zir tur le?

1. Mi that lohna ka point out dawn reng rengin, anmahni ka huat vang ngawr ngawr te, ka itsik vang ngawr ngawrte a nih chuan sawi loh hmak ka tan a tha zawk ang.

2. Midang emaw anmahni ka hmangaih vang leh ka ven thawn vang a nih chuan Lalpa rawn chungin keima nihna leh that lohna hre ranin inngaitlawm takin ka sawi ang, anmahni that lohna a ni emaw midang that lohna a ni emaw.

3. That tlanna tur zawk a nih dawn avang chauhin midang that lohna ka point out chauh ang, point out hmain Lalpa rawn chungin leh ka that bik loh zia hre reng chungin, Isua zara thiam chang mai ka nih zia hre reng chungin inngaitlawm takin ka sawiin chet ka la chauh ang.

Isuan sawisel suh u sawisela inawm loh nan a tih hi eng nge a sawi tum ber ni ang le?

- Mahni pawh sual reng si, insiam that tum chuang miah si lova, midang va sawisel phawr phawr hi mi vervekte tih dan a nih avangin tih loh tur. Khatiang anga mi ka judge chuan nakinah ka tehna ngai ang bawk khan Lalpa'n ka tlin lohna min teh sak ve dawn a ni, tihna lampang a nih ka ring.

"We should judge or grant mercy in precisely the same way we want God to judge or grant mercy to us. Further, Jesus promises that this is exactly what we are going to get. God will judge us by the measure or standard we set for judging other people during our lifetime."

Mathaia 7:3 

"Tin, engati nge mahni mita khanchhuk awm chu ngaihtuah si lovin, i unau mita hmawlh te tak te awm chu i hmuh ni?"

He Bible changa Isua thusawi kan hmuh hi mi vervekte awm dan dik tak a ni. 

Anihna takah chuan mi mita hmawlh te tak te awm hmu mawhtu leh ngaimawhtu hian chumi mita thil awm chu a hmangaih vang leh duhsak vanga hmu mawh a ni lova, amah aia sang leh tha zawka lan a duh vangte, chumi chu dah nil a tum vang hrim hrim a, hmu mawh a nih vang zawk a ni. Vervekna rilru niin a lang.

Chuvangin mi chanchin tha lo kan sawi dawn hian sawi nghal phawng2 tawh lovin mahni lam inenfiah hmasak phawt te, ka attitude, ka rilru puthmang a dikin a thianghlim em tiin kan inenfiah phawt thin tur a ni.

"It is fake righteousness to make fussy demands of others before examining our own problems. Jesus is likely referencing another principle: we most readily see our own sins in other people. Whatever bothers us most in others likely shows us our own faults. If we can’t stand someone who is arrogant, it likely means we ourselves are arrogant. If we are greatly annoyed by stinginess, it likely means we are ourselves stingy. This principle can be applied by saying “When someone else bothers me, I need to look inward and deal with my own fault; I wouldn’t be bugged if I didn’t have that fault myself.”

Jesus gives His disciples a very practical way to grow in righteousness: instead of criticizing others, self-examine. Deal with your own faults first. Jesus has now redirected our focus from “fixing others” to “dealing with our own issues.” However, once we have adequately dealt with our own issues, Jesus wants us to help others. After dealing with your own issues, Jesus tells His disciples that then you will see clearly to take the speck out of your brother’s eye. Jesus doesn’t want us to let others walk around with faults. But we won’t really see the faults properly, until we deal with our own sin, and recognize we are a fellow traveler, who suffers from the same faults."